Gordetxa – Viola
Hosto samurrak gordinik jan daitezke entsaladan, zapore atsegina dute. Hostorik zaharrenak barazki moduan sukaldatu daitezke, eta zopa, saltsa eta erreximentei ere gehitu dakizkieke, hosto horiek dituzten muzilagoek likidoa loditzen laguntzen dutelako.
Loreak eta lore-kuskuak gordinik jaten dira entsaladan, baita oilasko zein arrainen betegarri bezala ere. Sufleari, gelatinei edota kremei kolorea eransteko ere balio dute.
Ozpinetan gorde daitezke, edo lehortu eta, hauts bihurtuta, janari zein edariei gehitu.
Loreek bereziki, antozianinak dituzte, antioxidante indartsuak. Gainera, cyclotide deituriko mini-proteinak ere badituzte
Hosto eta loreak bereziki aberatsak dira bitaminetan: C, A eta E bitaminak dituzte. Gatz mineralak, muzilagoak, taninoak eta flabonoideak ere badituzte eta, loreek bereziki, antozianinak ere bai (antioxidante indartsuak). Gainera, cyclotide deituriko mini-proteinak dituzte, askotariko eragin biologikoak omen dituztenak: antitumoralak, antimikrobianoak, anti-GIB eta anti-esklerosis anizkoitza dira.
Bioletak, kopuru handitan gordinik janez gero, goragalea eragin dezake, saponinak direla-eta. Azido salizilikoa ere badu.
Mitologian, maitasuna eta emankortasunarekin lotzen da landare hau.
