Euskal Herria Bizirik

Bihar, otsailak 8, Gasteizen elkarretaratzea: deriba industrial, kapitalista eta neokolonialaren kontra

“Trantsizio energetikoaren eta klima aldaketaren lege honi ez!” lemapean, goizeko 11:00etan Gasteizko Legebiltzarraren aurrean izango da kontzentrazioa.

1

Itziar Pou de los Mozos

Euskal Herria Bizirik sarea. Zestoa

Bihar, otsailak 8 osteguna, Gasteizko Legebiltzarrean “Trantsizio energetikoaren eta klima aldaketaren lege honi ez!” lemapean kontzentrazioa deitu du Lurraren defentsan Euskal Herria Bizirik Sareak. Goizeko 11etan izango da elkarretaratzea.

Deialdi honen harira jarraian doan komunikatua eta kartela zabaltzen ditugu:

Otsailaren 8an, energia-trantsizioari eta klima-aldaketari buruzko legea izapidetuko da Gasteizko Legebiltzarrean. EAJk, EH Bilduk eta PSOEk onartuko dute. Deriba industrial, kapitalista eta neokolonialaren oinarriak finkatzen ditu. Megaproiektu zentralizatuen bidez, komunitate ekologiko eta sozialen bizimoduak suntsitzen ditu, eta horiek sakrifikatu egiten ditu lurraldetik kanpoko enpresei emango dien onura ekonomikoaren mesedetan. Legezkotzat jotzen du naturguneak eta landaguneak erostea prezio merke baten truke. Gainera, beste lurralde batzuetan baliabide naturalen erauzketa areagotzen du  eta gure lurraldeaz jabetzeko enpresa transnazionalen konkista izenpetzen du. Ahaztu gabe legedia honek baimentzen dituzten Proiektuek  baserritarren eta nekazarien etorkizuna eragozten dutela. Guk ezetz esaten diogu lege honi. Bizitzari eusten dioten natura- eta landa-eremuak babesteko  borrokan jarraitzen dugu, erabakiak deszentralizatzearen alde eta, komunitatea erdigunean jarriz, gure egiten dugu.

Parte hartu gure borrokan.

Euskal Herria Bizirik Sarea

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Erantzun bat “Bihar, otsailak 8, Gasteizen elkarretaratzea: deriba industrial, kapitalista eta neokolonialaren kontra” bidalketan

  1. Biziki interesgarria Patxi Salaberri Muñoa aramaioarraren ‘Belamendi’ blogeko azken sarrera: https://blogak.goiena.eus/belamendi/2024/02/14/inbasio-berriak-bikingoak-aramaion-2024/
    Beste sarrera interesgarri ugari ere baditu Salaberrik. Aramaion haize-errota parke erraldoi bat egin nahi dute, eta hainbat herritar mobilizatzen ari da horren kontra. Proiektuaren eta berriki EAJ, PSE eta EH Bilduk hitzartu duten Trantsizio Energetikoaren eta Klima Aldaketaren Legearen alde sutsu agertu da Aritz Otxandiano Kanpo otxandiarra, EHBko lehendakarigaiaren anaia.
    https://www.berria.eus/iritzia/artikuluak/trantsizio-energetikoari-ezetz_2120755_102.html
    https://blogak.goiena.eus/orixoletik-debagoienara-so/2023/12/27/begirada-bat-debagoienatik-cop-28-klima-gailurrari/

Utzi iruzkina, izen eta abizenez

Azken artikuluak