Kaixo! Informazio honen bidez, alegazio-epean dagoen “Basalgo Parke Eolikoa” izeneko proiektuaren aurkako ALEGAZIO-DOKUMENTU bat bidaltzen dizuet (HEMEN DAGO DESKARGAGARRI):
Lan hau pertsona batek indibidualki egindako ekarpen bat da. Txostenak azterketa informatiboa eta kritikoa dakar, hain zuzen ere Eibar, Soraluze, Bergara eta Elgetako udalerrien mugetako ingurune menditsuan Arena Power Solar enpresak bultzatzen duen zentral eolikoaren proiektuari buruz. Proiektuak energia eolikoaren arloan planteatutako eredu desarrollistaren gigantismoarekin eta negozio ereduarekin erabat desados egonik, proiektuan nabarmentzenkoak diren kalte ekologikoak eta sozialak, irregulartasunak eta faltsukeriak agerian jartzen dira dokumentuan, egitasmoa bertan behera uztea eskatzeko.
Energia eolikoaren arloan planteatutako eredu desarrollistaren gigantismoarekin eta negozio ereduarekin erabat desados, proiektuaren kalte ekologiko eta sozialak, irregulartasunak eta faltsukeriak agerian jartzen dira alegazio-dokumentuan
Hori dela eta, alegazioak izenpetzeko proposatzen dizue txostenaren egileak herritar guztiei. Lan honek, bestalde, Eibarren eta Deba bailarako herri kaltetuetan egitasmo honen aurkako oposizioa antolatzeko sortzen ari diren herri-ekimenei begirako ekarpen bat izan nahi du. Barka, euskarazko irakurleei, alegazioen dokumentua gaztelera hutsean bidaltzeagatik!
Alegazioak aurkezteko epea abenduaren 22an amaituko da. Hauek korreo zertifikatu bidez (postaz) bidal daitezke, alegazioen goiburuan adierazten den Industria Sailaren Gipuzkoako Ordezkaritzaren Donostiako helbidera. Bestela, Jaurlaritzaren “Zuzenean” zerbitzuan erregistratu daitezke.
Dokumentua zuen inguruan zabaltzea ere eskertuko nuke.
Edozein proposamen egiteko edota informazioa trukatzeko, harremanetan jar zaitezte.
Eskerrik asko.
Mikel (Tlfnoa: 695715510)
Emaila: mikeltxikizio2@gmail.com
