Covid 19

Babes Fokalizatua: Great Barringtoneko Adierazpena

Jatetxeek eta bestelako negozioek ireki beharko lukete. Arte, musika, kirol eta kultur jarduerak ere normaltasunez abian jarri.

5

Aitor Unanue

Euskal Herritarrok-eko zinegotzi ohia. Azpeitia.

Stanford, Harvard eta Oxfordeko unibertsitateetan gaixotasun infekziosoen epidemiologo eta osasun publikoko hiru zientzialari ezagunek egin zuten adierazpena, Urriaren 4ean Great Barringtonen. Harrezkero 43 hizkuntzetan itzuli eta argitara eman da, euskaraz ere bai, Maite Darcelesek itzulia. Mundu osoko ia 50.000 mediku eta osasun publikoko zientzialarik sinatu dute, eta kezka azaldu duten 670.000 herritar inguruk.

Covid 19aren inguruan hartzen ari diren konfinamendu politikek guztion osasun fisiko eta mentalean dituzten eragin kaltegarrien aurrean kezkaturik azaldu dira. Besteak beste, injustizia larritzat jotzen dute Covid 19a dela eta gazteak eskolarik gabe uztea.

Babes fokuratua edo fokalizatua deitzen duten planteamendua da gomendatzen dutena:

Covid 19a dela eta heriotza arrisku minimoan daudenei bizitza normaltasunez bizitzeko aukera emanez, infekzio naturalaren bidez birusaren immunitatea eraiki, eta arrisku altuena dutenak hobeto babestu. Zaurgarriak babesteko neurriak hartzea izan beharko lukeela diote COVID-19aren aurkako osasun publikoaren erantzunaren helburu nagusia.

Zaurgarriak ez direnei berehala utzi beharko litzaiekeela berriz bizitza normaltasunez berreskuratzen. Ikastetxeek eta unibertsitateek irekita egon beharko luketela diote, aurrez aurreko irakaskuntzarako. Jatetxeek eta bestelako negozioek ireki beharko lukete. Arte, musika, kirol eta bestelako kultur jarduerak ere normaltasunez abian jarri.

Txertoaren menpe egon gabe, talde immunitatea garatu eta gizarte osoak gozatuko lukeela diote immunitatea eraiki dutenek zaurgarrienei emandako babesaz.

Osorik hainbat hizkuntzatan ikus ahal da eta euskarazko bertsio osoa ere: Great Barringtoneko Adierazpena.

Great Barrington Declaration Webgunea
Great Barrington Declaration Webgunea 43 hizkuntzetan itzuli eta argitara eman da. Mundu osoko ia 50.000 mediku eta osasun publikoko zientzialarik sinatu dute, eta 670.000 herritar inguruk azaldu dute kezka.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

5 erantzun “Babes Fokalizatua: Great Barringtoneko Adierazpena” bidalketan

  1. Eta nola babesten dira kolektibo zaurgarriak birusa bolo bolo baldin badabil?

    Zaurgarriak uste baina gehiago gara, jakin gabe ere. Onargarria iruditzen al zaizue EGUNEAN 1000 pertsona hiltzea Espainiar estatuan?

    60-69 adintarteko hilgarritasun tasa 3tik gorakoa da. Egin kalkuluak eta ondorioak garbiak eta zuzenak dira.

    Hau guztia pasako da. Denon artean egingo dugu. Denbora batez musukoarekin bizi behar izateak ez du hondorio larririk utziko.

    Musukoa eramatea baino askoz egoera lazgarriagoak jasan izan dituzte gure guraso eta arbasoek.

    Kontatu haiei zeinen gogorra den gure bizitza musukoarekin.

  2. Zentzuzkoa dirudi; zenbat eta lehenago immunizatu gazteak eta osasuntsuak orduan eta babestuago egongo dira adinekoak eta zaurgarriak.

  3. Noiztik ihes egin behar zaie birusei? Eurengatik ez balira ez ginateke lur planetan egongo. “Gobernatzen” gaituztenen propaganda genozidak etsia dela sinestaratzen digute eta haren aurkako gerlan gaudela, gainera.
    Bai gerlan gaude, baina ez birus baten aurka.

  4. Saiakera hortarako ez dut prest ikusten osasun sistema publikoa. Orain xaurgarri talde ofizialeko asko nahiko zainduta egonik ze azkar desfasatu ahal den gauza ikusita. Paperean denak aguantatu ahal du. Pena herrialde bat ere ez dela ausartu froga egitera. Jonshon atzera bota zen.

Utzi iruzkina, izen eta abizenez

Azken artikuluak