Txertoa

Aiton-Etxe: ebidentziatan oinarrituta ez dute produktu esperimentala txertatuko

Eguneko zentro honetako egoiliarrei gutuna igorri zieten: “Covid19 txertoa” deitu izan den produktu esperimentala ez banatzeko erabakia hartu dutela jakinarazten diete. Bakoitza libre da bere gorputzean nahi duena egiteko, horregatik nahi duenak herriko osasun-zentroan jasotzeko aukera izango duela azpimarratu dute.

10

Itsaso Güemes

Argazki-terapeuta, ikaslea eta ama. Oiartzun

Duela egun batzuk oso ezaguna egin da nire herriko eguneko zentroa. Atzo adibidez baimenik gabe sartu ziren Tele5eko kamerak Aiton-Etxeren eremu pribatuan, eta egoitzako telefonoa eten gabe joka dabil: EITB, Antena 3, La Sexta,…

Zergatik? Bere egoiliarrak babestu, arduratsu jokatu eta gerta dakiekenaren aurrean inolako erantzukizunik ez izateko, zuzendaritzak Covid19 txertoa deitu duten hori eguneko zentroan banatzeari uko egin diolako, eta hartu nahi duten pertsonak herriko osasun zentrora bideratu dituelako.

Kontua da Aiton-Etxeko egoiliarrei gutun bana igorri zietela. Argudio ugari erabiliz, produktu horrek beraien ezaugarriak dituzten pertsonei (gaixotasun kronikoak dituztenak edota gaixotasun anitzak dituztenak, eguneko zentroan gehienak) onura baino kalte handiagoa eragin diezaiekela esaten du, eta beraz Covid19 txertoa deitu duten hori ez banatzeko erabakia hartu dutela jakinarazten diete. Era berean, produktu hori jaso nahi duten egoiliarrak herriko osasun-zentrora joan daitezkeela gogorarazten die gutunak.

Pfizer-Biontechek FDAra igorri duen dokumentuan oinarrituz eta txertoei buruzko ikerketak kontuan hartuz, honako argudioak aipatzen ditu gutunak produktu hau bere eguneko zentroan ez banatzeko:

  1. Esperimentazio fasean dagoen produktua da (entsegu klinikoaren III. fasea).
  2. Edozein txertok 4 eta 10 urteko ikerketa behar du eta hau ikertzen hilabete gutxi daramate .
  3. Ez da indargabetutako birus batetik sortutako txertoa, orain artekoak bezala; txertoetan inoiz erabili ez den terapia genikoa darabilte oraingoan.
  4. FDAk ez du txerto gisa baimendu produktu hau, larrialdi-erabilpenerako botika gisa baizik. Botikaren izena BNT162b2 da.
  5. Botika honek bere formulazioan ez dauka inmunitate espezifikoa eta aktiboa eragin dezakeen antigenorik, ezta hildako edo indargabetutako mikroorganismorik edota mikroorganismoetatik eratorritako produkturik, ARNm SINTETIKOA baita.
  6. Pfizer-Biontechen dokumentuan aipatzen diren ikerketak osasuntsu dauden pertsonekin egin dira, oraindik ez dago nahikoa esperientzia gaixotasun kronikoak dituzten edota gaixotasun anitzak dituzten pertsonekin (eguneko zentroan gehienak).
  7. Epe ertain-luzerako albo-ondorioak ezezagunak dira, oraindik ezin izan baitira ikertu.
  8. Epe motzean eragin ditzaken albo-ondorio larriak % 4,6koak dira.
  9. Honelako erabakia hartzean, onura eta arriskuaren arteko erlazioa hartu behar da kontuan: kasu honetan ez dago frogatua botika honen onurak eragin ditzaken arriskuak baino handiagoak direnik.
  10. Ikerketa aldi honen ostean, Pfizer-Biontechen dokumentuan aipatzen duten ondorioa honakoa da: “Arrazoizkoa dirudi produktua eraginkorra izan daitekeenaren ustea”.
  11. Honegatik guztiagatik, eta erizaintza ikuspegitik informazio oso gutxi dagoela kontuan hartuz, zalantzazko da botika honen banaketak zein jasotzeak dituen arrisku/onurak. Horregatik erabaki dugu botika hau egoiliarrei ez banatzea eta segurtasun zein eraginkortasun arloan sor daitezken datuen zain egotea.
  12. Hala ere, unea iristen denean osasun zentrora joateko aukera izango du nahi duenak.

Eta nik poza sentitu nuen Aiton-Etxeko egoiliarrei igorritako gutun informatibo hori irakurri nuenean. Gure artean pertsona ausartak geratzen direla jakitean harrotasun emozioa ere sortu zitzaidan. Zeren denak ez du balio. Eta denari baietz esateak edo itsuki agindu guztiak obeditzeak ondorioak ditu.

Kasu honetan, zuzendari honek ez du bere gain hartu nahi bere ardurapean dauden adineko pertsonei bere ustez bermerik ez duen produktu hori eskaintzearen ardura. Besterik gabe. Osasun sistema publikoa bada produktu horren banaketan interesa duena bere osasun zentroetan egin dezala eta bere gain har dezala ekintza horren ardura eta erantzukizuna. Puntu.

Zein da arazoa? Barazki eta frutak erostera barazki-fruta dendara bagoaz, arraina erostera arraindegira bagoaz, haragia erostera harategira bagoaz,…ez al da txertoak jasotzeko toki logiko eta egokiena osasun zentroa? Zergatik normalizatu da txertoak eskoletan edota osasun zentroak ez diren tokietan jasotzea? Edo erantzun zehatzagoak jasotzeko, zertarako bilakatu dira eskolak edota adinekoen zentroak osasun sistema publikoaren “sukurtsalak”?

Norbera da bere gorputzaren jabe bakarra. Norberak du bere gorputzaren subiratonasun osoa. Eta noski, bere osasunarena ere bai.

Eta zure ardurapean zaurgarriak diren pertsonak izateak, ez du esan nahi haien gorputzen eta bizitzen jabe zarenik. Ez du esan nahi erantzukizunik ez duzunik . Ez du esan nahi egiaren ordua heltzean, “goiko aginduak betetzen nituen” esatean errugabe izango zarenik.

Nire ustez pertsona honek egin duena ausardia ekintza izan da. Pertsona honek egin duena ekintza koherentea izan da.

Gustatuko litzaidake beren ardurapean pertsona zaurgarriak dituzten zuzendariek (adin-txikikoak, behar bereziak dituztenak, adinekoak,…) emakume honen jarrera arduratsua izatea eta beren ardurapean daudenentzako kaltegarriak edo zalantzazkoak izan daitezkeen aginduei maizago EZetz esatea.

Ezetz esatea eskubidea delako. Eta zenbaitetan betebehar morala.

Asier Galan biologo molekularra Aiton-Etxeko kasuari buruz.

“Hori ez txertatzea erabaki arduratsua izan da” azaldu du auzo bereko Asier Galan Cousillas biologo molekular ezagunak. Hainbat herrialdetako laborategietan lan egin du, eta nazioarteko hainbat aldizkari zientifikoetan dozenaka artikulu argitaratuak ditu. Independentean ere idatzi du.

Asier Galan biologo molekularra Aiton-Etxeko kasuari buruz, jarraipena.

“Bakuna deitzen duten hori ez da berez bakuna bat, ez medikuntzan ikasten duten bezalako bakuna klasikoa, baizik eta beste produktu ezberdin bat da: terapia genikoa da.”

10 erantzun “Aiton-Etxe: ebidentziatan oinarrituta ez dute produktu esperimentala txertatuko” bidalketan

  1. Milesker Itsaso eta INDEPENDENTAri hain eguneratu eta osatutako informazioa zabaltzea gaitik…batipat sareetan zensuratuta azaldu zen zuzendaritzak luzatutako gutunetik bigarren orria.

    Ondo izan lagunak

  2. Eskerrik asko. Aiton-amona etxe gehiagok gaur atera behar lukete, bihar bertan, 15 eta gero 30k denak batera ulo egiten. Zorionak txertoaren fitxa irakurri duen zuzendariari (Ministerioaren web orrian dago irakurtzeko bere ARNm eta guzti) , bertan dio: ez da medikamentuekin bateragarria. Zenbat zahar dauzkagu medikamenturik gabe? Eugenseia hutsa da, Mengelianoa, Asierrek dioen bezala.Zorionak, Altzibarko zahar-etxeari, hau ez da txerto bat.

  3. Kontxo! Denari “amen!” esan ohi ez dion jende asko dabil munduan, denak terraplanista-txamanista-akupunturista-negazionista-darwinista zerrendan sailkatuak. Ea idazle euskaldun batek iradoki zuen moduan gure ezker homologatu-ilustratu-arrazionalista-unibertsala interes neoliberala sustatzen ari den eta ez den enteratu? Dena dela ere, ohartu edo ez, oso “gizon” jarrera interbenzinionistaz ari dira.

  4. Aiton-Etxetik eman duten adibidea ikur eta erreferentzia bihurtu beharko litzateke herrialde osoarentzat. Zentzutasunaren, zintzotasunaren, determinazioaren eta erresponsabilitatearen injekzioa gu guztiontzat.
    Ausardiazko urratsa gu guziok babestu behar duguna eta horren aurrean erne egon behar dugu, gure “osasunaz” hainbeste “zaintzen” eta “kezkatzen” direnek neurri errepresiboak Aiton-Etxearen aurka hartzearekin entsailatuko dituztenean.
    Azken horiek oso argi dute eta hemen OMSesko epidemologoa eta zuzendari ohi baten izurrite-adierazpenak ditugu non txertatzearen aldeko apustua egiten duen “operazio militarra eta gerlakoa” balitz bezala, egun bakar batean ere gelditu gabe. Asmoen adierazpen oso eta orokorra eta nabigatzaileentzako abisu bat.
    https://www.msn.com/es-es/salud/vida-saludable/un-exdirectivo-de-la-oms-pronostica-la-evoluci%C3%B3n-de-la-pandemia-en-las-pr%C3%B3ximas-semanas/ar-BB1ctSwp?ocid=msedgntp

  5. Zein erraza izango zen isiltzea -ale bat edonori ateratzen zaio-, inori ez baitzaio galarazi bere anbulatorioan txertoa jartzea… baina kastak ezin du onartu. Burdinazko eskua nabarmendu egin behar da.
    Elkartasuna norbanakoen askatasunetatik baino ez da ulertzen, eta horien artean informazio-askatasuna dago.
    Ez pentsamendu bakarra inposatuz. Adierazpen askea bultzatu beharrean, abortatu egiten duzue. Indartzea erakundeen betebeharra denean, desadostasuna adierazteko bada ere.
    Aurrera aitona-amonen etxeak!!
    Zuen iritzia izan dadila zuena.

  6. Aupa zuzendari ausarta, nagusiei eragiten dien erabaki bat hartzeagatik. Aldundiak erraustegi toxikoa jarri zuenetik, argi utzi zuen bere interesen defentsa pertsonen interesen defentsaren gainetik zegoela. Aldundiko subjektu horiek ikusteak tripako mina ematen dit.

  7. Zuek bai ausartak, hau poza! Eskerrik asko horrelako argitasuna eta kontzientziagatik, gure aiton-amonen zaintza lanetan

  8. Zentru horren izena eta bere zuzendariarena arduraren eta ausardiaren erreferente bat izango dela uste dut, guzti hau pasatzean. Eskerrik asko

Utzi iruzkina

Azken artikuluak