Larunbatean Donibane Garazin elgarretaratzea: Kurdo eta euskal preso politikoak askatu!

GABILTZA-k honakoa dakargu Öcalanen askatasunaren aldeko Europako elgarretaratzeen eta Torturaren Aurkako Egunaren karietara:

Joxe Arregiren heriotzaren 40. urtemuga eta Torturaren Aurkako Eguna.

Mehrdad Taleshi Iraneko kurdoaren heriotza torturapean otsailaren 3-an .

Abdullah Öcalanen askatasunaren aldeko elgarretaratzeak Europan.

Kurdistango Rojavako iraultzari buruzko idazkia.

Kurdistango azken asteetako gertakari batzu:

• Iran, hamarnaka militante kurdoren atxiloketa.
• Turkia, Istanbul, Bogaziçi-ko unibertsitateko ikasleen kontrako sarekadak (Askapena, Institut Kurde).
• Siria, Rojava, Kobanê, 01/16, Kongreya Star sortzearen 16. urtemuga.
• Siria, Rojava, Afrin, 01/16, Turkiar estatuaren eta bere mertzenarioen okupazioaren 3. urtemuga.
• Kurdistan, 01/22, Kurdistango errepublikaren sortzearen 75. urtemuga.

Hemen eta Munduan,
Malkoak eta Irriak

Hilabeteroko elgarretaratzea Garazi aldean

• Kolektiboki gaitzesten dugunaren desagertaraztea bultzatzeko.
• Kolektiboki onesten dugunaren garatzea bultzatzeko.
• Bidegabekeriak pairatzen dituztenei elkartasuna adierazteko.
• Elkartzeko, buruz buru mintzatzeko.
• Humanitate eder bat elgarrekin irudikatzeko eta eraikitzeko.

GABILTZA

GABILTZA, hau da Garazi Aldeko BILTZArra, gure eta besteen biziei, beharrei, nahiei, pozei, bihozminei, arazoei, aterabideei eta aldarrikapenei buruzko eztabaidak egiteko biltzarra da, bai eta ekintza politiko, poetiko, ekologiko, sozial, kultural eta ekonomikoak sortzeko biltzarra ere. Autogestio kolektiboa gauzatzeko bitartekoa da. Interesatua den pertsona orori irekia da.