Korrikan Txillardegi Liburutegiarekin
Txillardegi Liburutegia elkarteak eta zenbait idazlek Donostiako Antigua auzoko Txillardegi plazatik abiatuko den 2572. kilometroaren erosketarekin lagundu nahi izan dugu euskara berreskuratzeko Euskal Herri osoan zehar egiten den herri-lasterketa eta, horrenbestez, hilaren 23ko arratsaldeko 8etan lekukoa eramateko elkartuko garela adierazi nahi dugu.
Donostiak Txillardegik euskal kulturari oro har eta, bereziki, haren jaioterriari egindako ekarpenak aintzat hartzea aldarrikatzen dugunez, gure sentimendua partekatzen duen edonor gonbidatu nahi dugu egun eta ordu horretan gurekin bat egitera korrikaren lekukoa eramanez.
Elkar ikusiko dugula ulertuta, aukera aprobetxatu nahi dugu guztioi besarkada solidarioa bidaltzeko, euskararen alde, bazterketa sektarioaren kontra eta Txillardegi Udal Liburutegiaren alde.
Txillardegi Liburutegia elkarteak
