Monokultibo batean amaituko du gizakiak espabilatu ezean.
Gero eta garbiago daukat “sistemak” dependentziara jolasten duela gurekin.
Sistemaren “mimo” artean lo egon nahi du gehiengoak, goxo eta menpeko.
“Zer” bakarra dakigu egiten, hortarako formatu gaituzte, eta hanka bakarreko mahaia beti izan da mahai arriskutsua.
Menpeko denak, noski, ezin ezetz esan, eta sistemak agindutakoak egitea tokatuko zaio beraz, aurrerantzean ere.
Ingurumari horretan, sistemaren gezurra ezingo du askatu, kontzientzia isiltzeko beharrezkoa baitzaio gezurra. Gora euskal herritar independientea!
Hala pasatu da, eta hala pasako da aurrerantzean ere espabilatu ezean.
Sistemak menpekoatasunera jolasten du beraz gurekin, guztia “externalizatzen” gabiltza bere eskutik: elikadura, osasuna, heziketa, ekonomia, imajinazioa eta azkenaldian gure esperientzia pertsonalen interpretazioa ere bai, sistemaren adituen esku utzi dugu.
Ea guk burujabetzara, kontrako bidean alegia, egiten asmatzen dugun.
Poliki-poliki, egin behar ditugun hamaika ahalduntzeen artean, energiaren kontua dugu haietako bat.
Nork daki zerbait energiaz?
Energiaren kontrol eta kudeaketa da sistemaren ardatzetako bat, diruarekin batera.
Energia kontsumitzaile itzelak gara, eta ez dugu horren kontzientziarik.
Energiaren ekosistema oso esku gutxi eta ilunek dantzarazten dute, eta orain gure mendietara datoz, eolika eta fotovoltaika zentral handiak egin nahian, ez omen dago beste aukerarik!
Xabier Arzallusek ere esan zigun, Lemoizeko zentral nuklearra egin ezean, azak jaten amaituko genuela euskaldunok.
Zer eta EH Bilduk ere PNV eta PSE-EErekin bat egin du: ez omen beste aukerarik antza, hauen mantra ere!
Eredu deszentralizaturik ez da nahi, desazkundeaz ezin da jardun, baina dena elektrifikatu behar da CO2 isuriak murrizteko kosta ala kosta!
Pasa den ostiralean Tecnaliak antolaturiko jardunaldi batzuetan egon nintzen Donostiako Kursaalen: Europako direktiben asmoa da gure etxebizitza guztietako berokuntza eta ur berorako erregai fosilak kentzea 2030-2040-2050 urteetan zehar, eta han planteaturiko aukera, bero ponpen bidez egitea, aerotermia edo geotermia: 100% elektrifikatzea gure etxeetako kontsumo elektriko guztia.
Ez hori bakarrik; etxeko lanak egiten ez dituenari etxebizitza alokatzeko edo saltzeko trabak jartzea pentsatzen dabiltza, edo erosleari urte gutxitan inbertsio itzelak egiteko exigentziak lantzen, herenegun eraikitako etxeak gasarekin eta isolamendu pobrearekin egitea ahalbidetu duten bitartean. Dozenaka urtetarako hipoteka bizkar gainean eta etxea erosi eta urte gutxitara sekulako inbertsioak egin behar gainera… bada bai, ahalduntzen hasteko hamaika motibo.
Kontu hauetaz jarduteko elkartuko gara Xabier Zubialderekin Errezilen ekainak 20 ostegunean, arratsaldeko 19:30ean Borondegiko areto nagusian.
Xabier, energia kontuetan aditua eta hainbat publikazio interesgarriren egilea, tori hemen hariari tira nahi dionarentzat:
Gonbidatuta zaudete, bertan elkar ikusiko dugu.
