Baserritarren Eguna, Azpeitian 2024ko uztailaren 25ean
824 urtean koroatu zuten Eneko Enekoitz Aritza errege Iruñean. Orain 1.200 urte. Mila urtez izan zuen lurraldea nafar estatuak; mila urtez izan zituen mugak, instituzioak, moneta, legea eta hamar mendez izan, gorde eta babestu zuen nafar estatuak bere kultura eta hizkuntza propioa. 1841 arte izan ginen estatu independentea.
1893an eta 1894an gertatu zen Gamazada, orain 130 urte. Garai hartako nafarrek, gure arbasoek, matxinada egin zuten. Orduan esan zuten 1841 arte izan zuela Nafarroak txanpon propioa eta euskaldunok ez genuela inoiz zergarik atzerrian ordaindu, ez ordainduko. Eta batasunaren indarrez, ez zuten Madrilen inposturik ordaindu. Aho batez batu zirelako ez zuten ordaindu. Hori izan zen gaurko kontzertuaren eta konbenioaren jatorria.
Manuel Irujok, osabak, gure herriaren geroaz hitz egitean esan zuen “nire konstituzio bakarra gora Euskadi askatuta da”. Nik hori esaten dut gaur ere, gure konstituzio bakarra gora Euskadi askatuta da; gora Euskal Herria askatuta, gora Nafarroa askatuta.
Nazio bat gara eta estatu nahi dugu berriz izan, euskal errepublika nahi dugu izan gure etorkizunaren jabe izateko berriro, gure hizkuntza, ohituren eta azturen geroa babestu ahal izateko.
Gaur gurekin Ipar Ameriketako Txeroki herriaren laguna dugu gure artean. Gu bezala, haiek ere euren eskubideen alde borrokatzen ari dira, euren nazioaren bizitzaren alde lanean ari dira. Agurra egin digute izai belarra eta ezkaia errez, euren modura ke garbitzailea guretzat eginez.
Kea zabalduz, txerokiek besarkada batez bat egin dute gurekin gaur. Herriak gara eta herri nahi dugu izaten jarraitu. Eskubide osoa dugu.
Asmo onez zabaldurik omen da inpernuko bidea. Eta zerurakoa asmatu behar egunerokoan.
Erregearen agintzetatik Versallesera ere iritxi ziren kateak. Non sorturik ote dira euskaldunon kalteak?.
Kalteak kalte, sendatzea da aparte. Alderdien ikurrak eta helburu urrunak ez dituzte asetzen egunak. Egunerokoan behar dugu benetakotasuna. Euskaldunon ezaugarria zen, gizatasuna. Denok ala iñor ez! Jabetu gaitezen!!!! Gainontzean ezer ez…
Koroa-estaturik ez.
Auzolana, Batzarra eta Komunala dira gure antolatzeko modua.
Buruzagiak bai. Une jakin baten, gai jakin baten, eskarmentua duenaren esanetara jarriko gara, zer esanik ez. Alperriko lanik ez, eraginkorrak izan nahi dugu. Tontoak ez gara.
Baina koroa beste kontu bat da.
Koroak ustelkeria dakar.
Koroa lortuz gero, nork utzi?!
“Mi tesoooooroooo…”
Koroaren inguruan kortea, kortesanoak, lobbyak, interesak, txiringito publiko-pribatuak, komisioak, entxufeak…
Ez ba, hemen danok gara berdinak.
Errepublika hitza be arrotza dugu.
Gu euskal herria gara, ez euskal errepublika.
Euskal Herria burujabe.
Aritza Nafarroako erregeari buruz ari gara, euskal monarkia independente bati buruz, eta jarraian esaten dugu euskal errepublika independentea izan nahi dugula berriro, kontraesan hutsa. Nafarroa euskal estatu monarkiko independentea izan zen, baina horrek ez du esan nahi euskaldun guztiok nafarrak edo monarkikoak izan behar dugunik. Euskaldun egiten gaituena gure hizkuntza eta kultura da, eta ez bere garaian zeuden estatuak, ez erresumak, ez monsergak. Edozein erresuma eta bestelako egoera baino lehen, Euskal Herri independente bat ginen, estatu mugarik gabea, muga naturalak, gizatiarrak, kulturalak, hizkuntzazkoak zeuden , mundu osoari irekiak, mundua banatu gabe gizakia kateatzen duten estatuetan. Orduan bai ginela askeak eta independenteak, orduan bai. Besarkada handi bat Cherokee herriari eta Amerikako eta munduko gainerako herri guztiei, inperialismoak eta indar gordinez inposatutako estatuen munduak eta haien eskuadra eta kartaboi mugek suntsitu egin baitituzte edo arriskuan baitaude eta gu bezala bizirik irauteko borrokan jarraitzen baitute. Gora Euskal Herria askatuta! Independentzia eta Anarkia!
Leire ezeztatzen erregina.
Ba nik baietz.
Berehala babestuko nuke Aritza bat euskaldunon lur komunalaren errege, lehendakari edo dena dela, eta ez mantendu bi borboi atzereratu frantses gehi bi presidente, espainol eta frantses… Atzeratuak geu! Barkatu, aniztasun funtzionala esan nahi nuen.
Odón Ulibarrena etnografoak bere ARBASOEN DEIA, potcastetan adierazi du Euskal erregeak herrien aginduetara zeudela eta ez Kastillakoak bezala.
PD: Larunbata honetan abuztuak 3an Irujok Euskal genozidotaz hitz egingo du Aurkitzen, independentziari buruzko hitzaldi multzo baten barruan.
Gauza bat ikusten dut argi: Ez baldin badugu ikasten elkarren iritziak trukatzen , eztabaidatzen eta ezadostasunak modu adeitsuan azaltzen, ez euskal monarkia, ez errepublika, ez batzar eta ez auzolan. Asko jota oilategi industrial batean elkarri kokoriko ibiltzeko aukera.
Honetan Asierrek izenpetutako iritziarekin bat nator. Nik zer esango dut ba, nire ikasketak oinarrizko eskolara mugatzen dira. Ez naiz diplomatua, lizentziatua edo doktorea inolako ikasketa unibertsitario intelektualetan. Nire ikasketak lehenengo inolako erosotasunik ( ez argindarrik, ez bide asfaltaturik gure etxera iristeko. Ura bai, ura nahikoa bagenuen.) ez zuen baserriko lanak izan ziren, eta ondoren kalean bizirauten ikasi behar… Ni etxe euskaldunean jaio naiz eta euskalduna izanez utziko dut gure Amalurra. Hori bai, baikor izan nahi eta ezin. Gehinetan negargura sortzen dit gure herriaren noraezak, edo agian nire noraeza izango da…