Manifestazio deialdi

Medikuek jada ez dakite argiago nola esan umeen gripe eta Covid txertaketa zentzugabekeria dela

Bilbon abenduaren 2an, larunbata, manifestazioa. Gure umeak sano daude. Zein da txertatzaileen asmoa?

8

Ainara Madariaga

DBH eta Batxilergoko Historia irakaslea. Bilbo

Zer ziztatu nahi diete gure umeei? Lelo horrekin bilduko gara abenduaren 2an Bilbon, arratsaldeko 17:00etan Jesusen Bihotzean.

Zergatik tematzen dira horrela umeen txertaketarekin? Aspaldi honetan inguruko hainbat laguni Osakidetzatik deitzen diete edo mezuak bidaltzen dizkiete, seme-alabak txertatzera eraman ditzaten: gripearena, covidarena… Nahiz eta txertaketa ez den derrigorrezkoa, presio sozial itzela dago dei hauen bidez.

Hemendik eskatzen dut umeak bakean uzteko eta familiei askatasunez erabakitzen uzteko. Lagunekin, beste familiekin, medikuekin, pediatrarekin hitz egin beharko genuke, galdera guztiak egin ondoren eta kezkak adierazi ondoren erabakia hartzeko, askatasunez.

Nahiz eta gizartean txertaketarena tabu gaia bihurtu dela dirudien, horretaz hitz egitea ez dago debekatuta. Beraz, hitz egin beharko genuke.

Beste eskaera bat ere badaukat: ikastetxeetan txertorik ez jartzea. Datuen babeserako lege famatu hori behin eta berriz urratzen da eskoletara osasun-langileak haurrak txertatzera etortzen direnean. Beren alaba edo semea txertatzea erabakitzen duten familiek anbulatoriora edo osasun-zentrora joan beharko lukete, eta ez osasun-langileek eskolara.

Nola izango gara burujabe gure osasunaren gaineko erabakiak ez baldin baditugu geuk hartzen?

Animatu eta etorri abenduaren 2an Bilbora!

Ikusi prentsaurrekoa osorik hemen.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

8 erantzun “Medikuek jada ez dakite argiago nola esan umeen gripe eta Covid txertaketa zentzugabekeria dela” bidalketan

  1. Umeen txertaketa kanpainak salaketa berezia merezi duela onartuta, ez dut egokia ikusten helduen eta zaharren txertaketa kanpaina ez salatzea deialdi berean. Osakidetzak bere erabiltzaileei eskutitz bana bidali digu txerto bikoitza jartzeko eskatuz eta sintomak edukiz gero, maskara erabiltzeko gomendatzen digute. Zaharrak egoitzetan ere oso babesgabe daudelakoan nago. Amore eman behar dugu honen aurrean eta normaltzat hartu, bakarrik umeen txertaketa salatuz?

  2. Nire ustez, denok gara se ntiberagoak umeen txertaketaren aurrean, kolektibo zaurgarria eta etorkizuneko belaunaldiak beraiek direlako, besteak beste. Baina bakarrik umeen txertaketa salatuz, ematen du agintariei bidaltzen diegun mezua helduen txertaketaren aurrean men egiten dugula dela. Emakume haurdunen kasuan ere aparteko salaketa egin beharko litzateke, txertaketa hauek salatzeko deialdi orokor batean.

  3. “Txertatzaileen asmoez” galdetu beharrean, beraiek umeen osasuna babestea eta kutsatzeak ekiditea dela esaten baitute, zergatik ez salatu ARNm txertoek egiten duten kaltea eta umeengan ere eragin dituzten heriotzak?
    “Gure umeei zer ziztatu nahi dieten” galdetu barik, inozoak garela ematen baitu, hobe esatea badakigula zer ziztatu nahi dieten eta beraiek sar dezatela ondoen deritzen lekutik.

  4. Bai Ane, arrazoia ez zaizu falta, zapatuan umeen txertaketa kanpainaren kontra bilduko gara, baina bai, adin guztietako txertaketa kanpaina basatien kontra beharko!

  5. Niretzat argi dago mezua ez doala txertoek daukatena badakigunoi zuzenduta. Guk ez ditugu pozoi horiek sartuko. Mezua, beraiek sartu arren, umeei sartzearekin dudan daudenentzako doa. Beharbada umeenarekin hausnarketa egin ezkero, haien buruari gehiago sartzea be dudan jar dezakete …
    Udaberrian beste manifestazio bat egin zen populazio osoari zuzendua. Deialdi hauxe umeei zuzentzeak, ez dut egindako ibilbide osoarekin talka egiten duenik ikusten, gehigarri ikusten dut.
    Eta gustatuko litzaidake maitasunez sortu dugun gune hau denon artean zaintzea askatasuna eta errespetua oinarriak izatea. Denok goaz barku berean…

  6. Ane Miren, nik ere uste dut babesgabe aurkitzen diren guztien aldeko mezua zabaltzea garrantzitsua dela, hor aurkitzen dira gure nagusiak edo edozein motatako dependentzia psikokoren bat dutenak. Uste dut zuk esandakoa kontutan hartuta manifestuari bueltatxo bat eman eta alderdi hau aipatu beharko genukeela.
    Eskerrikasko🙏

  7. Argitu nahi dut nire asmoa ez dela zatiketarik edo antzekorik eragitea izan. Eskandalagarria da Osakidetzak Covid txertoen 5. dosia eta gripearen txertoa biztanleria osoarentzat planteatzea gainhilkortasunaren datuak eta albo ondorioenak hor daudenean. Eta badirudi urtero egiteko asmoa daukatela. Nire ustez, helburua kanpaina hauekin amaitzea izan behar da, Suitzan eta Norvegian egin zuten bezala. EAEn Osakidetza “desenmaskaratu” behar da. Beharbada, epe luzeago baterako helburua, baina albo batera utzi behar ez dena. Umeen txertaketa dela eta aparteko aipamena edo salaketa egiteari (berdin egin behar da haurdunekin) ondo deritzot (argudio asko daude, gripearen aurka ez zaiela inoiz txertatu, inmunitatearena, etab.). Baina arazoa edo hobe esanda, erasoa denontzat da eta ezin dugu normaltzat jo “txertoak” derrigorrezkoak ez direlako edo norberaren “erabakia” delako, zeren erabaki hori ezjakintasunagatik hartzen dute ziztatzen direnek. Orduan ezin da aukera libreez hitz egin. Gainera, badakigu 4. dosia jende gutxiagok hartu zuela. Orduan pentsa daiteke informazioa zabaltzen jarraituz gero, gizartearen zati handiago batek planto egingo lukeela honen guztiaren aurrean, eta zer esanik ez umeengatik.

Utzi iruzkina, izen eta abizenez

Azken artikuluak