2024ko martxoaren 2an Martin Sánchez & La Resistenciaren kontzertua egon da Bilbon. Martin Sánchez bizitako plandemia zoroan hasieratik irreberentziaz adierazi izan den abeslari bakarretakoa da eta bere kontzertuak mezu potenteak luzatzeko erabili izan ditu. Oraingoan ere horrela izan da.
Kontzertuaren aurkezlea Robert Martínez astrologoa izan da; beti bezala, distiraz, bikaintasunez eta umorez egin du esku hartze bakoitza. Liberum-eko Nandi Cuevasek bere indarra eta duintasuna ekarri ditu oholtzara. Ondoren, Hugo Rubio ikertzaile eta idazleak hitz egin du. Gero, Bizitza Plataformaren izenean, Mabel Condek eta nik neuk parte hartu dugu. Mabelek, hitz hartze sentitu baten bidez, gizakia sakona eta sakratua dela gogorarazi digu, eta antzinako haziak garela ez dugula ahaztu behar gogora ekarri digu. Hurrengo parte hartzailea Javier Fernández musikaria izan da, Surfeando el Kali Yuga kanala duena, eta, azkenik, Iñigo Gómez Ojinaga mediku integratzaileak hitz egin du, bere estiloan, aretoko bibrazio baikorra igoz. Kontzertuan zehar, Martinek eta bere taldeak lehengo abestiak eta abesti berriak ere eskaini dizkigute.
Bukaera aldean, El Himno de la Resistencia abestia jotzeko momentuan, Robert Martínez igo da abestera eta Andere Astigarragak eta Eneritz Aranburuk trikitixa eta panderoarekin parte hartu dute, irrintzi ugarirekin akelarrea zipriztinduz. Oso ondo pasatu dugu eta eskerrak eman nahi dizkiogu Martin Sánchezi hori posible egiteagatik.
