Maiatzaren 19tik 21era, “Ezpass de liberté! – Nora goaz ?” kolektiboak gomitaturik, Laurent Mucchielli, soziologo eta CNRSeko ikerketa zuzendaria Euskal Herrian izanen da.
Ikerleak Covid 19aren inguruko 3 mintzaldi proposatuko ditu, gertaeretan oinarritutako inkesta sozio-politiko bat eskainiz.
CNRSeko ikerle hunek ‘Ezpass de liberté Nora goaz?’ kolektiboak antolatutako beste mintzaldier segida emanen dako.
Pasa den Apirilaren 15ean, Eric Ménat CSIko kide den mediakuaren mintzaldian, 130 bat pertsona bildu ziren Ezpeletan.
Bestalde, apirilaren 23an, KontraPASSa egunean, 300 bat pertsona elkartu ziren beste hizlari batzuen entzuteko Izpuran.
Hala nola, Emmanuelle Darles (CSIko kide den informatikalaria eta unibertsitalaria), Vincent Pavan (CSIko kide den matematikalaria eta unibertsitalaria), Independentea.eus (herri kazetaritza independentea) egunkari digitalaren sortzaileetarikoa den Kote Camacho eta kolaboratzailea den Jasone Iroz, eta Bizitza plataformako 3 kide: Idoia Larranaga Arrizabalaga, Joseba Argintxona eta Pako Iriarte.
Mucchielli-ren liburuen aurkezpena
“Covidaren Doxa”
(Hizkuntza: frantsesa. Jatorrizko izenburua: “La Doxa du Covid”)
1.tomoa: Beldurra, osagarria, ustelkeria eta demokrazia. Laurent Mucchielli.
128 orri. ISBN: 978 2 37672 039 3. 12,5euro.
2020ko otsailetik geroztik, mundua krisian da. Biziki larria den birusaren agerpenagatik, gobernamenduak jende guzia konfinatzera behartuak direla, eman daukute azalpen ofizial gisa, eta txertoa aterabidea bezala aurkeztu…
50 bat ikerlari eta mediku elkartu dituen inkestaren ondorioek bertsio ofizial hau ukatzen dute. Idazleak, birusa ez dela hain lanjerosa, tratamendu goiztiarrak existitzen direla eta horiei esker biziak salbatzen ahal direla erakusten dauku. Baita ere, konfinamenduek, jendartearengan, ondorio txar gehiago dituztela ondorio onak baino… Bestalde, urgentzian ekoiztutako “txerto” berrien eraginkortasun eskasa, beren arrisku posibleak, eta bereziki, “txerto” horien ekoizleen lehentasunak beren interes ekonomikoak direla salatzen du.
Ikerketa independente horrek trabatzen du.
Industria farmazeutikoek, duela urteak, ustelkeria metodikoa antolatzen dutela dio. Bill Gates bezalako fundazio pribatuek, osagarri politika mundialean duten eragin haundia deitoratzen du, GAFAM deitutako “numerikoaren erraldoiek” (Google, Apple, Facebook, Amazon , Microsoft) gure pentsamenduari buruzko kontrola perfekzionatzen ari direla eta arduradun politikoak arrunt gaindituak direla gehitzen du.
Azkenik, kazetariek beren independentzia eta beren informatzeko gaitasunak galdu dituztela azpimarratzen du.
Horiek guziek gure oinarrizko askatasun eta eskubideak zangopilatzen dituztela, diskriminazio berri batzu sortuz eta demokrazia deuseztatuz azaltzen dauku.
2.tomoa: Covid krisiaren kudeaketa politiko sanitarioaren ikerketa. Laurent Mucchielli.
568 orri. ISBN: 978 2 37672 041 6. 29,5euro.
Liburu hunek, 2020ko martxoa eta 2021eko abenduaren artean iragan Covid krisiaren kudeaketa politiko sanitarioari buruzko kontra inkesta independente bat proposatzen dauku. Teoria konspirazionista eta propaganda politiko industrial dominantearekiko distantzia berdintsuan kokatuak diren hamarnaka unibertsitalari, mediku eta juristaren gaitasunak biltzen ditu. Lan kolektibo horrek, hidroxiklorokinaren aferatik terapia geniko berrien gaietarainoko, “medikamentuen gerlen” gibelean diren joko finantziario eta ideologikoak argitzen dauzkigu.
Bestalde, Covidaren epidemiak, populazioen osagarriarengan duen egiazko ondorioak hobeki ulertzeko gogoeta epidemiologikoak proposatzen dauzkigu. Kudeaketa politiko sanitario hortan, maila juridiko eta demokratikoan egiazki jokoan denari buruz hausnartzera bultzatzen gaitu, baita hainbat gobernamenduren lerratze autoritaristaren konstatazioari buruz ere.
Azkenik, eztabaida publiko orokorraren egoeraren diagnostiko kezkagarria egiten du, baita hedabide eta sare antisozialen funtzionamenduarena ere. Ber denboran, denen onerako, izpiritu kritikoa ber iratzarraraztera gomitatzen gaitu.
