Ez dut batere sinesten Podemosen diskurtso anti-punitibista. Kartzelan egon garenok badakigu erasotzaile sexualak direla delitugileen artean inpuneenak, zigor apalenak jasotzen dituztenak eta onura penitentziario gehien jasotzen dituztenak, erreintzidenteenak izan arren!
Podemosek justiziaren eta, oro har, gizartearen ikuspegi anti-punitibista balu, “delitu” askori dagozkion legeak alda zitzakeen, lege antiterrorista edota mozal legea, urrunago joan gabe, funtsezko eskubideei eragin eta disidentzia politikoa zigortzeko legeak direnez gero.
Horiek edo langile klaseari kalte egiten diguten beste asko erreformatu ordez, delitu sexualak zigortzen dituztenak erreformatu dituzte, beren sinesmen anti-punitibistak praktikan ezartzeko, jakinik erasogile sexual gehienek erasoekin jarraitzen dutela kartzelatik irtenda.
Errealitateari eta jazoerei erreparatuz, ez daukagu motiborik sinesteko anti-punitibismoaren argudioa egia denik, bai ordea motibo asko pentsatzeko gezurretan dabiltzala, beren kagada nolabait justifikatu asmoz, lortu duten bakarra kagadari gezur iraingarriak eranstea den arren.
