Hernaniko udalerriko Urumeako mendietan 199’5 metro altuerako 5 airesorgailuz osatutako eta 24’95 MW-ko potentziako “Ikatz Gane” izeneko zentral eolikoaren proiektua informazio publikora atera eta alegazioak aurkezteko epea zabaldu du Eusko Jaurlaritzak, joan den otsailaren 23an Euskal Herriko Agintaritzaren Aldizkarian (EHAA/ BOPV) argitaraturiko iragarki baten bidez. Proiektu hori Ereñotzuko Pagoaga auzoko mendietan Pagalegi-Larregi-Garagartza gailurren mendilerroan eta Aranoko mugan (Nafarroa) kokatzen da. Proiektuaren sustatzaile “Enigma Green Power” sozietatearen atzean Sevillako ARENA POWER SOLAR enpresa dago.
eragingo lituzkeen kalte ekologiko eta sozialak ezkutatzeko ariketa bat baino ez da enpresak jendaurrera atera duen Ingurumen Inpaktuaren Azterketa
Txostenei lehen begiratu bat emanda, guztiz salagarria da proiektuak eragingo lituzkeen kalte ekologikoak eta sozialak ezkutatzeko eta estaltzeko ariketa bat baino ez dela enpresak jendaurrera atera duen Ingurumen Inpaktuaren Azterketa. Izan ere, Urumeako mendietako eremu honetan basoa birnaturalizatzeko eta ingurunea ekologikoki berreskuratzeko helburuekin erabat talka eginez, Pagoagako auzoaren inguru oso menditsuak kalte latzak jasango lituzke poligono eolikoaren eraikuntza-lanen ondorioz, eta, airesorgailuak Nafarroako mugatik metro gutxira kokatuko liratekeenez, Aranoko herria ere nabarmenki kaltetuko luke proiektu eoliko horren funtzionamenduak. Aipagarria da, bestalde, proiektuak ez duela inongo aipamenik egiten Nafarroa eta Gipuzkoaren arteko mugaren ingurune berdintsuan Repsol enpresak planteatutako Erreka izeneko makroproiektu eolikoari buruz. Azpimarratu behar da, halaber, halako proiektu erraldoiek energia eolikoaren arloan planteaturiko eredu desarrollistaren gigantismoa eta negozio eredua erabat bateraezinak direla energiaren kudeaketa lokalagoa eta komunitarioagoa bultzatzearekin.
eredu desarrollistaren gigantismoa eta negozio eredua erabat bateraezinak dira energiaren kudeaketa lokalagoa eta komunitarioagoa bultzatzearekin
Hori dela eta, egitasmoa bertan behera uztea eskatzeko, alegazioak lantzeko eta informazioa trukatzeko dei egiten da. Alegazioak egiteko epea 30 egun baliodunekoa da eta apirilaren 10ean amaituko da.
Proiektua honako ESTEKA HONETAN dago eskuragarri.
Edozein proposamen egiteko edota informazioa trukatzeko, harremanetan jar gaitezen beraz.
Mikel (Tlfnoa: 695715510)
Emaila: mikeltxikizio2@gmail.com
