2030 Agenda

Ez diogu uko egingo nahi dugun lekutik mugitzeko eta pribatutasuna edukitzeko eskubideari, askatasunari

2030 Agendaren helburuetako bat herritar gehienoi mugitzeko eskubidea kentzea da, baita pribatutasuna kentzea ere. Jadanik ez dute ezkutatzen.

0

Patxi Alaña

Gizarte eragilea. iBerba Euskara Zerbitzuak. Deustu

2030 Agendaren helburuetako bat herritar gehienoi mugitzeko eskubidea kentzea da. Baita pribatutasuna kentzea ere. Jadanik ez dute ezkutatzen; 2030erako ez dute nahi jende “arrunta” autoz ibiltzea hirietan, soilik auto berri-berriak izango dituztenak ibili ahal izango dira, hau da, herritarren %5 baino gutxiagok izango du eskubide hori, pribilegiatu gutxi batzuek, alegia.

Baina ez hirietan soilik, herrietan ere bai. Arratiara bagoaz, Beasain-Kanpazarrera, Laudio aldera, Txorierrira… ikusten dugu trafikoa kontrolatzeko posteak herri guztietarako irteeren ondoan jartzen ari direla. Hau da, helburua ez da – adibidez – Barazarren bidezerga bat jartzea, horretarako bi poste nahikoa izango ziratekeelako. Epe ertainean, nahi dutena herri batetik bestera joategatik kobratzea da, Ertaroan bezala. Lehenengo kamioiekin hasi dute proba aipatutako bide batzuetan, besteok isilik gera gaitezen (nahiz eta horren kostua denok ordaintzen hasi garen), baina gero, epeka, denei jarri nahi digute. Eta AP-8? Legez ezin dute kobratu, kontzesioa orain dela 20 urte amaitu zelako, baina hor jarraitzen dute, herritarrak diruz husten!

2030erako ez dute nahi jende “arruntaren” autorik hirietan, auto berri-berriak baizik. Herritarren %5 baino gutxiago diren pribilegiatu batzuk, alegia

Eta mugitzeko eskubidea kentzeaz gain, pribatutasunaren eskubidea ere kendu nahi digute, Ticket bai eta diru digitalarekin. Bi horiekin, jakin nahi dute zer erosten dugun, nora goazen, enpresa eta autonomo guztien produktuak, tarifak eta bezeroak, zer egiten dugun une guztietan. Horrekin kontrol osoa izango lukete. DATUEN BABESAREN eta BIZITZA PRIBATUAREN DESAGERPENA lirateke, hitz batez.

Eraso hauen aurrean euskal herritarrok ezin gara isilik geratu eta horregatik Izan Auzokrazia mugimenduak kanpaina bat abian jarri du izenpeak biltzeko, mobilizazioak egiteko eta bide judizialetik jotzeko.

Mugitzeko eta pribatutasunerako eskubideak arriskuan daude. Horiek babesteko zure laguntza edukiko dugu?

10.000 izenpe bildu nahi ditugu hemen, eskaera hauek egiteko:

  • Bizkaiko eta Gipuzkoako Aldundiei, jarri dituzten eta jarri nahi dituzten peajeak kentzeko, baita AP-8koa ere, zilegiak ez direlako, erregaiaren zergetatik jadanik ordaintzen ditugulako edota kontzesioa orain dela 20 urte amaitu zelako.
  • Bilbo, Donostia, Gasteiz, Iruñea, Barakaldo eta Getxoko udalei, auto erdiak hirietan sartzea ez debekatzeko, bestela Konstituzioak onartzen digun mugitzeko eskubidea kenduko digutelako.
  • Araba eta Gipuzkoako Aldundiei Ticket Bai kentzeko eta Bizkaikoari ez jartzeko, aldundiek ez dutelako eskubiderik enpresek eta autonomoek zein bezero dituzten, zein prezio dituzten… jakiteko. Izan ere, informazio hori hackerrek lapurtuz gero enpresak hondatu ditzaketelako. Gainera Amazon, Mercadona, Zara eta beste handiek ez dute egin behar.
  • Espainiako Gobernuari, Eusko Jaurlaritzari eta Nafarroako Gobernuari, energien eta finantzen merkatuetan oligopolioak kentzeko eta lehiakortasuna egoteko, benetako kostua ordaindu beharrean,  bikoitza ordaintzen ari garelako.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Utzi iruzkina, izen eta abizenez

Azken artikuluak