herriBiltza

Euskara eta UNESCO

Frantziar eta espainiar estatuek euskara erasotzen eta hiltzen duten bitartean, UNESCO mutu.

2

Haizea Urtasun Rosano

Burujabetza kolektiboen aldekoa. Zuhatzu.

Hemen herriBiltzak pasa den ostegunean burututako auzolanaren ondotik zabaldutako agiria:

Euskara hiltzen duten bide seinale taulak kendu eta Portugaleteko Bizkaia Zubiaren ondoan ezarri ditugu.

Euskal Herrian euskaraz bizi nahi dugu: gure eguneroko aktibitate guziak euskaraz egiteko posibilitatea ukan nahi dugu!

Euskara, munduko gainerateko hizkuntza guziekin, gizateriaren ondare kulturala da!

UNESCOk, Hezkuntza, Zientzia eta Kulturarako Nazio Batuen Erakundeak, dio:
munduko ondare kulturala babestea funtsezkoa dela;
– soilik kulturen arteko begiruneak eta eztabaida irekiak bake iraunkorrera eraman dezakeela;
– gaur egun aniztasun kulturala erasotua dela.

Karrikan euskararen erabilpena neurtzen duen Soziolinguistika Klusterrak, 2022ko maiatzean argitaratu zuen ikerketaren arabera, Euskal Herri mailan ezer gutxi aldatu da 2016tik 2021era: zortzi lagunetik batek hitz egiten du euskaraz (%12,6).

Hizkuntza batek, bizitzeko, lurralde bat nun herritarrak lehentasunez eta nagusitasunez hizkuntza horretan mintzatzen diren behar du. Beraz, euskara desagertzeko bidean da.

Frantziar eta espainiar Estatuen konstituzioek eta legeek, euskararentzat ez dute begirunerik, euskara gutxiesten dute eta Euskal Herrian bigarren hizkuntza bezala tratatzen dute.

Frantziar eta espainiar Estatuen agintariek, UNESCOren helburuen aurka egiten dute: euskararen biziraupenerako ez dute eztabaida irekirik egiten, aldiz euskara erasotzen dute eta hiltzen ari dira.

UNESCO egoera honen aintzinean mutu egoiten da. Gizateriaren ondare kulturala den euskara hiltzen uzten du; aldiz Portugaleteko Bizkaia Zubia Gizateriaren Ondare izendatzen du.

Mundu osoari “Euskal Herrian, lehenik eta nagusiki euskaraz!” aldarrikapena gauzatzeko laguntza eskatzen diogu.

Portugaleten, 2023ko otsailaren 23an
herriBiltza
www.herribiltza@riseup.net

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

2 erantzun “Euskara eta UNESCO” bidalketan

  1. Eta UNESCO mutu dago ondare kulturalaren babesaz, begiruneaz eta aniztasunaz ari denean gezurretan ari delako, naski. Politikari profesionalak dira: gezurra esan ohi dute, hori da euren lanbidea. Jakin beharko genuke, ez genuke harritu behar honezkero.

  2. Hemen gauza da arioek agintzen dutela oraingoz, ez pre-indoeuroparrok.
    eta hori oso kontutan hartu behar dugu: zeren “arioek euren balioekin agintzen baitute: patriarkatua, hierakia eta gizarte klasista.

    Orduan, zer espero dezakegu haiengandik?
    Bai, ONU edo UNESCOk onartu du Portugaleteko Burdinazko Zubia gizateriaren ondaretzat, baina eta EUSKERA onartuko al du gizateriaren ondaretzat?

    Ez diat hala espero zoritxarrez. Nahiz eta eskatu bai egin behar dugun.

    Haien National Geographic aldizkariak jarraituko du aldarrikatzen ezen gu zeltak ginela, eta Europako kizkuntza originala indoeuropeoa izan dela (inongo oinarri zientifikoa ez duen baiespena izan arren….)
    Baina har kontutan HAIEK agintzen dutela, eta erasoa ez izateaz konformatu behar dugula. Bien bitartean…

Utzi iruzkina, izen eta abizenez

Azken artikuluak