- Eguneroko zereginetan ari garen bitartean, direnak direla ere, burdin gero eta azukretuagozko sistema batek haurrak bahitzen dizkigula izaten dut pertzepzioa askotan. Gure haurtzaroa zerk bahitu ote zuen galdetzea dator ondoren.
- Olentzero eta oparien harira zortzi urteko ume batek, jende taldea mahai bueltan eserita geundela, zera bota zuen bat-batean: helduek zergatik kontatzen dizkiguzue halako gezurrak? Besteotako bakoitzak modu desberdinean jaso eta hausnartu genuen halako meteoritoa.
- Urteak dira haurrak behatzen ditudala egunero eremu desberdinetan jolasean, alegia, bizitzen, hots, bere gauzetan. Denborak eta lekuak nola eta zein baldintzapetan izan diren aukeratuak ahalik eta ongien definitzea eskatzen diot neure buruari eta krak! egiten dit barruak.
- Krak! egin dit barruak urte gutxiko ume bati eta ezagutzen ez duen txoritxo bati buruz txosten bat egin duela eskolan esaten entzun diodanean. Eskolan. Zertarako?
Adibide moduko hauek nolabait ikusgarriak diren eremuetan gertatzen diren gauzatxoak besterik ez dira. Badira beste leku itzaltsu asko zeinetan ehunka haurrek izugarriak pairatzen dituzten eta gertaerok serio hartuko bagenitu gure eguneroko tren politikoa seko geldiaraztera behartuta sentituko ginatekeen.
Edo agian ez, nahikoa baitugu bizirautearekin, utz dezagun geure kultura, eguneroko bizitza, ba omen dakitenen eskuetan, egin dezagun jasangarri jasanezina. Portzierto, nork ezarri du umeek negar batean jaio behar dutenaren egia? Zeinen barneratua dugun tratu txarra. Di-da batean ama ere badiren emakumeek erditzeko orduan bere gorputzez erabakitzeko duten eskubidea aipatu gabe uztea erabat ezinezkoa da. Zer ote dio jakinduria zientifikomedikuak gai honen inguruan. Kasu honetan ere, era oso nabarmenean, bizitza besteen eskuetan dagoen galdetu behar genioke geure pentsamendu politikoari. Baina, agian ez, ez dugu nahi, ez dakigu zertarako, nahikoa dugu enplegu langabeziarekin eta enplegu lanarekin. Ordain-saririk gabekoa, kulturaren oinarri, beste batean izango dugu hizpide. Zerbait irauli beharra daukagula uste dut zeren eta bortitza sumatzen dut gure kultura/eguneroko bizitza hau, bortitza fisikoki, psikikoki, sinbolikoki, sexualki, bortitza bertikaltasunean, bortitza azpiratuen artean ere.
Erne benetan agintzen dutenekin, ez dute eskrupulorik eta, baina erne guk haiek imitatzeko dugun ahalmen eta joerekin. Tristeena da bizirauteko bortizkeria erabiltzera behartzen gaituztela askotan. Pentsa dezagun ere honetaz.
Esanen dit norbaitek zenbat elkartasun ekintzetarako gai garen geure artean, eta egia da, baina horrek bizirauteko balio digu, besterik gabe. Askoz gehiago izateko sortu ginen, bizitzeko sortu ginen.
“Zerbait irauli beharra daukagula uste dut….”. Erditze argitsua.
Hire artikuloko, narrazio eta ausnarketa sentitu baten elkarketa ondorengo emaitza edo jaiotza argitsua… benetan Gorka Setien.
Orokorrean era bat nator… zehaztazunez ezaten ez dekenarekin ere bai, eta hemen “mamitsu” gordeta dagoenarekin: “Askoz gehiago izateko sortu ginen”
Azken onetan dago gure esistentzian edo etorkizunerako esistentzi ezaren gakoa: zertarako sortuak izan gera?…ZEIN gara, guri ZER behar dugun izan, ezan baino lehenago?…Nondik gatoz gure aitak erakarri eta amaren zabelean sartu baino len?…nora goaz?… Pertsonak, izate espiritualak gizaki abentura batetan sartuak, edo gizaki izate batetik abentura espiritual batetarako sortuak izan gera???
Gaur eta hemengo egoeran pertsonak, bere betiko esistentzian jaso ditugun bortizkeri nagusiena jasotzen ari gera, baina…. zer motatako bortizkeria da: fisikoa, psikikoa, sinbolikoa, sexuala…. dioken bezela?
Espirituala ezango nuke. Orduan eta idazten dekenian: “Zerbait irauli beharra daukagula uste dut….”, ba bai Gorka, baina nere ustez lehenbizi asmatu beharrean gaude, zertarako sortuak izan ginen, zer osatzekotan?
Planeta, Ama Lurra, Unibertsoko Sustrai eta Seaska nagusia bada… bere gizaki-Asiak…nola lortuko dugu tinkotatutako “Zuhaitz” argitsu bat izaten?
Mikel Laboa burutatuaz, eta… asi-Izar hauts giñenez… dioken bezela, egin dezagun iraultza, bai, baina nere ikuspegitik ez kanpotik….“galtzerdiari” buelta emanez bai…Barruakoakin elkartuz gero…giro eta Taupada baketzu horrekin bat egin ondoren… lortu dezagun gure egunerokotazunean, kanpotik Barrukoa izaten.
“Bizitzeko sortu ginen”…Calderón de la Barca´k zion bezela: “bizitza loa bat bada”, gaur egun, norberen bururari “esnatua” ikusi eta horrela aurkezten geranok, egitan…¿hain esnatuak gaude?
“Bizitzeko sortu ginen”…baina gaur egun inoiz baino gehiago, aginte bertikalean istorikoki, bortizkeria izan dala gizakian jarrera ezaugarriena, zer egin horri buelta emateko?…ze iraultza mota?. Keja istoriko betean gaude, aginte azpiko “biktimatizatutako” gizakiak, goi mailakoen zapalkuntza gaitik…baina…
Hitzegiten jakin baluteke, aginte bertikaltazun horren ondorioz, oraindik eta istorikoki ere bai, kaioletan eta granjetan gure mai eta plateretan kapritxorako KONFINATUTA ditugun abere eta egaztiak?…
Iraultzarako Abiapuntu nagusi bat…. Zergaitik urteak pasahala humeek itzaltzen joaten dira?…Zergaitik gaurko egoeran, munduko inda beltzak gizarte guztia itzali nahi dute?…Unibertsorako Ama Lurrak bere sabelean (hortik etengabeko Beroa) sortzen ari dan urrungo Izar belaunaldia itzali nahi dituzte??? ..
Esnatuak “gaudenok”, benetan Esnatzeko abiapuntu nagusiak.
Ongi izan lagun
gustatzen zait, Gorka, duzun ahalmena estabaida sortzeko. Ezin danataz idatzian, nire ikuspuntua adierazteko.zenbait puntutan ez nator oso bat
orokorrean zurekin nauzu
eta afektibitatean maitale!!!
segi urte berri hontan