Mozal Legea

Askatasun eta eskubide politikoen aurkako legea

Ez dugu lege errepresibo hori onartzen. Bide batez, elkartasun osoa adierazi nahi diegu Aroztegia kasukoei.

0

Itxaso Balza de Vallejo

Arabako Mendiak Aske. Araba

Gure kide baten epaiketaren harira:

Duela hiru hilabete gure kide batek epaiketa bat izan zuen urte batzuk lehenago makroproiektuen aurkako mendi-martxa batean jasotako isunagatik. Epaiketan, kideari Mozal Legea ezarri zitzaion.

Mozal Legea askatasun eta eskubide politikoen aurkako legea da, militantzia jazartzeko tresna. Mugimendu politiko eta sozialak zigortu eta ekonomikoki itotzeko helburua dute lege horiek. Izan ere, Estatuko egituren bitartez egiten den eredu politikoa da bermatua dagoen bakarra gaur egun. Beraz, ezinbestekoa da eskubide politikoen defentsan jardutea: adierazpen askatasuna, protesta egiteko eskubidea, independenteki antolatzeko eskubidea… Lurraren defentsan eta makroproiektuen aurka antolatzen ari garenok geroz eta gehiago gara, eta aurrera jarraitzeko irmotasuna adierazten dugu. Horregatik, eskubide politikoen defentsan jardutea gure betebeharra da hain zuzen ere.

Arabako Mendiak Asken argi daukagu. Guk ez dugu lege horren izaera onartzen, ezta eskubide politikoen kontra egiten duen beste edozein ere. Gure kidearen epaiketa kolpe errepresibo baten gisa jaso dugu, ez ausazko isun bat bezala. Baina guk aurrera jarraituko dugu. Geroz eta makroproiektu gehiago martxan jarri nahi dituzten honetan, berebiziko garrantzia dauka antolatuta egoteak, datorrenari aurre egiteko. Ez dugu onartuko ekosistemen suntsipena, herritarron bizi baldintzen okertzea, edota arriskuan dauden espezieen desagerpena. Ez dugu onartuko guk ezer irabazteko ez daukagun sistema hau. Esan bezala, orain da momentua antolatzeko eta beste sistema mota bat eraikitzea posible dela aldarrikatzeko, non beharrizanak, energiaren erabilerarako sarbidea kasu, guztion beharretara begira antolatuko diren, eta ez gutxi batzuen interesetara soilik begira, aberasten jarrai dezaten.

Bide batez, gure elkartasun osoa adierazi nahi diegu Aroztegia kasukoei.

Lurraren defentsan, antolatu!

ARABAKO MENDIAK ASKE

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Utzi iruzkina

Azken artikuluak