BAGABILTZA

Burujabetasuna garatzeko bilkura

Apirilaren 20an, asteazkenez, gaueko zortzietan Donibane Garaziko Gaztetxean.

0

Gorka Roca Torre

Lur langilea. Behorlegi

Bizitzeko zailtasun gero eta haundiagoak ditugu.

Zailtasunak :
– genero bortizkeria ez pairatzeko
– lansari egokia ukaiteko
– bizitegia eskuratzeko edo ordaintzeko
– argindarra, gasa, ezantza, eraikuntza-materialak… pagatzeko
– elikagai osasuntsuak erosteko
– lantzeko lurra eskuratzeko
– kalitatezko osagarri eta zaintza zerbitzuak ukaiteko
– lanbide bat edo erretreta egokia ukaiteko
– eguneroko aktibitate guziak euskaraz egin ahal izaiteko
– kalitatezko hezkuntza gauzatzeko
– ingurumen sanoa ukaiteko
– …

Bizitzeko zailtasun hauek desagertarazteko, eta gure nahi eta beharrak
asetzeko, biziko arlo guzietan batzordeak sortzen ari gira
Baigorri-Garazi aldean, Baxenabarreko eta Euskal Herriko beste
eskualdeetako herritarrekin batera: euskara, generoa, lana, bizitegia,
energia, elikadura, lurra, osagarria, zaintza, justizia, defentsa,
hezkuntza, ingurumena…

Batzorde hauen bidez beraz, burujabetasuna arlo guzietan garatzen ari
gira, eta euskal herritarren arteko lankidetza eta elgar laguntza sarea
eraikitzen ari gira.

Interesatua den orori irekitako bilkura:

– bizitzeko ditugun zailtasunetaz eta gure nahi eta beharretaz hitz
egiteko,
– zailtasun hauek desagertarazteko eta gure nahi eta beharrak asetzeko,
– abian ezarri ditugun batzordeetan esku hartzeko edota berriak
sortzeko.

Apirilaren 20an, asteazkenez, gaueko zortzietan
Donibane Garaziko Gaztetxean.
19:00etan saskitik ateratako zintzur bustitze afari partekatua.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Utzi iruzkina

Azken artikuluak