GONBIDAPEN IREKIA
Burua argitzeko eta gorputzari zikinkeria ateratzen laguntzeko, pozik gonbidatzen zaitugu astebetez barau egitera gurekin batera, Independentea.eus egunkari libreko lagunekin eta Gune Irekiko lagunekin, berriz ere Bergarako Elosu auzoan, Barau Astearen bigarren edizio honetan, 2024ko uztailaren 19tik 25era egingo duguna ur hutsa edanez, gorputza eta burua garbituz, garbiketa eta argiketa prozesua elkarrekin partekatuz, modu autogestionatuan, euskara hutsean eta argi eta garbi konspiratuz. Astebetez telefonorik gabe, pantailarik gabe, farmakorik gabe eta bestelako drogarik gabe.
Eta baraua egiteagatik rollo-sekta-erlijiosoren bat ote garen beldur bazara, etorri zer garen ohartzeko, flipatuko duzu zure gorputzarekin barauaren prozesuarekin. Hemen elkartzen garenok danetatik gara, batetik anarkistak, artistak; bestetik, kristoren sasoian dauden kirolariak, eta urteko beste hilabeteetan proteinak eta karbohidratoak goraino hartuz dabiltzanak ere bai. Sendagileak, sikologoak eta denetatik. Adin guztietako saltsa. Urtean zehar bertso afaria, sagardotegi plana, zikiroa edo urdaiazpikoa labean antolatzen ditugun horiek gara, langile, dantzari eta festazale, bizizale eta parranderoak, urtean behin, baraua eginez konspiratzeko sinkronizatzen ditugunok astebeteko oporrak.
Interesatzen bazaizu, eman izena 40 plazak agortu aurretik.
NOIZ: 2024ko uztailaren 19tik 25era
NON: Bergarako Elosu auzoko elizaren kontra dagoen aterpetxean.
PRESTATZEA: Barau Prestatze-Dieta egin etorri baino aste bat lehenago.
IRISTEA: Uztailaren 19an, ostirala, goizeko 10:00etatik aurrera, baraurik.
HARRERA BILKURA: Uztailaren 19an 18:00etan. Proposamenak eta ardura banaketak.
AUTOKUDEAKETA: Norberak du bere osasunaren ardura. Gure artean sikologoak eta sendagile profesionalak badaude ere, ez daude gure zerbitzurako, alderantziz baizik, osasunaren burujabetzearen alde laguntzeko.
GUNE IREKIA: Larunbatetik asteazkenera parte hartzaileon proposamenez beteko da eguna, goiz eta arratsalde, Gune Irekiko Lagunen metodologia eraginkor eta bizigarriarekin.
AGUR EGUNA: Uztailaren 25ean, osteguna, barautik elkarrekin ateratzeko agur otordua, etxerako bueltako bidea hartu aurretik.
GASTUAK, EGUNERATUTA: 80 eurogatik aste osoko barau plana. (Beste kopurua ordaindu genuenoi itzuliko zaigu gainontzekoa.) Lekuagatik 10 euro pertsonako eta eguneko, gehi azken eguneko otordurako beste 20 euro, guztira 80 eurorekin egiten da barau astea, hau izanik, barau osoa plana, barau hutsa, edo ura bakarrik edanez. Honekin estaltzen zaigu aste osoko gastuak: ohea, ura, komuna, tximinia gehi barautik ateratzeko lehen otordurako elikadura garbia, behar duenarentzat.
(Beste garbiketa-dieta egin behar dutenek, hau da, egunero zukuak, barazkiak edo beste sasi-barau dietak egitera datozenak, horiek bai ordaindu beharko dute aste osoa 180 euro pertsonako, uztailaren 7ra arte ordaindu beharrekoak. Data horren ondoren ordainduz gero, 200 euro izango dira pertsonako.)
LO-ZAKUA: Norberak bere lo-zakua ekarri behar du.
Izena emateko bete ondorengo formularioa:
IZEN-EMATEA
• 2024 Barau Astea •
Uztailak 19-25 Elosu
Informazio gehiago:
Lo zakurik ez baduzu ere, han bertan manta ugari daude, baina izarak norberak eramatea hobe.
Hori da, eskerrik asko Alberto
Ufffff pasopalabra…. Urrengo sagardotegira itxoingo det!